政情：田二少做主席不守規矩

投最後一票惹疑 表決作廢

田二少應早前議員莫乃光建議再開多次Uber公聽會，但議員鄧家彪就話希望等埋十一月初政府回應先決定，田二少於是決定搞個簡單舉手投票，結果係泛民六票贊成對建制七票反對。公布票數後田二少無啦啦爆咗句話結果七比七，仲決定開公聽會，暗示自己投贊成。

同屬建制派嘅陳鑑林就即刻舉手，質疑田二少唔應該喺眾議員投票之後先投自己嗰票，仲提醒田二少，投票結果都係平手啫，議案應該被否決。最後田二少決定喺十一月初開會時先決定開唔開公聽會，佢仲話到時可以聽埋政府決定先再考慮。所以今次投票算作廢喇。