探射燈：網購漂牙產品 濃度不明存危機
近年網上流行出售各款自家美白漂牙產品，當中包括美白牙貼、牙齒美白水以及藍光美白牙機最受歡迎。惟有牙科醫生表示，一般產品沒標明濃度，產品中可能含有氧化氫，如不慎吞下會刺激腸道，亦有可能引起併發症如牙齒過敏和牙髓疼痛，並非人人適用。
有蛀牙並不適用
「牙貼同美白水其實都係用化學漂白劑去漂白啲牙，漂白劑利用過氧化氫，進行氧化作用，漂白牙齒。」牙科醫生鄧幹耀表示，藍光美白牙機使用原理與上述兩產品相似，「用咗漂白劑之後，用藍光嘅力量可以加快氧化作用，令漂白過程更快。」
對於網上漂牙產品，鄧坦言危機處處：「漂白劑同藍光係需要專業人員使用，特別係漂白劑濃度，如果太低嘅就會冇用，太高嘅會令牙肉發炎，網上產品根本唔知佢嘅濃度，唔建議市民使用！」鄧指出，市民在漂牙前應查詢牙醫，並選擇到持牌牙醫診所進行漂牙，「唔係人人適合漂牙，有蛀牙同牙周病嘅係唔可以漂牙，因為牙肉會更易發炎。」