世界經濟論壇尋日發表《全球競爭力報告》，香港整體競爭力雖然維持全球排第七位，但繼續落後新加坡及日本，金融中心競爭力更由全球第一跌至第三，創新方面依舊最弱排廿七。落得如此下場，「貪曾」前特首曾蔭權爵士難辭其咎。○九年貪曾推出六大產業，其中一個就係創新產業，不過之後佢貪威識食，被東方報業集團揭發佢「歎盡省港澳，貪盡海陸空」，搞到創新產業都係得個講字，認真遺害不淺。
