公民講場：「光復」損港譽 枉花公帑埋單

今年初連串反水貨客嘅「光復」行動，加上有立法會議員曾帶頭拖篋要求限制個人遊數目，令內地旅客來港意欲大不如前，就喺零售業步入寒冬急待救亡之際，主責旅遊事務嘅商務及經濟發展局局長蘇錦樑宣布，政府會撥出一千萬元設立一次性配對基金，用以推廣本港旅遊景點。其實如果無之前傷害內地居民感情及影響香港旅遊業形象嘅舉措，又使乜花錢補鑊？難怪有人認為，今次頗有用公帑為「光復」行動埋單嘅味道。