政情:青聯主席認交流團作用有限

時下唔少團體鍾意帶港青北上交流,但被批評流於「旅行團化」。香港青年聯會主席范駿華(Andrew)尋日接受電台訪問時話,青聯舉辦交流團只係第一步,並非深度體驗,參加嘅學生可以透過活動識多啲人,但之後就要靠自己喎!

Andrew話青聯舉辦好多講座,旨在為年輕人提供機會。若港青想對國情等議題有深化認識,需長時間了解,青聯可做嘅只係搵多啲機會畀佢哋去,任何交流團好難喺幾日內就讓學生體會全面國情。

講到佔領行動一周年,唔知Andrew有冇覺得年輕人變得激進?Andrew話青聯係做青年工作,唔係政治工作。佢哋所提供嘅工作及實習機會等,公開接受各大專院校報名,不會過問學生政治立場。

自言唔熟「一帶一路」

講到「一帶一路」嘅機遇,佢竟然話唔係好熟悉「一帶一路」對青少有乜嘢實體化得益,因佢係會計師,加上家庭關係,唔方便喺內地做業務喎!

第一手消息請下載on.cc東網iPhone/iPad/Android/Windows Phone Apps