廢青箍頸搶錢 鳳姐訴悲情
青年鳳樓尋歡「久戰不下」，發怒襲擊鳳姐擸走肉金！一名男子昨凌晨上網一睹鳳姐靚相後慾火焚身，電約十五分鐘後即趕到尖沙咀鳳樓「撳鐘仔」，一掟千元「買起」八十分鐘，無奈翻雲覆雨一小時仍難洩慾，遂要求「重口味」服務，但遭鳳姐拒絕，發爛渣將鳳姐推跌再箍頸，擸回千元肉金逃去，鳳姐追截無果只好報警，警方翻查「天眼」追緝嫖客。鳳姐事後稱：「我都有尊嚴，唔係咩都做！」對於無辜受辱感氣憤，希望警方盡快將該名惡客緝拿歸案。
遇劫的姓夏（卅九歲）鳳姐為陝西人，八年前嫁到香港，惟因丈夫爛賭成性欠下大筆賭債，只好將十五萬元儲蓄全部用於替丈夫還債，儘管如此，最終卻是離婚收場。夏失婚後決定自力更生，但在約兩年前，因生活逼人決定下海，以月租九千多元租住尖沙咀加拿分道卅三號發利大廈一劏房單位作鳳樓。
要求「打真軍」肛交被拒
昨清晨五時許，夏接獲一名青年來電預約，自稱在網上看到其宣傳照片後慾火焚身，十五分鐘後，該名青年上門「撳鐘仔」，指五百元的四十分鐘服務「唔夠喉」，於是即場加碼，取出兩張五百元放於枱面，要求時間加倍。
詎料約一小時後，青年一直未能完事，更漸漸變得心有餘而力不足，更要求鳳姐提供特別服務，包括「打真軍」和提供肛交服務，聲稱：「我上網睇其他人都肯做呢啲，我都未試過，好想試吓！」但鳳姐斷然拒絕，表示：「人哋做乜我唔理，我唔做呢啲嘅！」
青年被拒後老羞成怒，將鳳姐推跌地上，再從後用手箍住其頸部，聲稱自己在上址「睇場」，但隨即又表示：「唔使咁驚，我同你玩吓啫！」然後鬆手放開鳳姐。鳳姐被嚇得花容失色，赤身跑出單位大廳，期間卻見青年穿回衣服及取回枱上一千元鈔票，並在房內大肆搜掠後奪門而去，她穿回衣服追落樓，惟青年早已失去蹤影，只好返回房間報警求助。
警方接報到場調查，證實鳳姐損失一千元現金但無受傷，於是翻查大廈閉路電視片段調查，派大批警員在大廈附近兜截無果，初步調查後，將案件列作盜竊及普通襲擊案處理，交由油尖警區刑事調查隊跟進，正追緝一名年約二十至三十歲、瘦身材、高一點七米的男子，事發時身穿黑色T恤及戴斜孭袋。
鳳姐：愧對任教師父母
鳳姐事後仍猶有餘悸，坦言：「當時已經震晒，佢仲叫我唔使驚，箍死我點算！」又大吐苦水指：「為咗交租要搵多啲，幾點鐘有客嚟都要接。」但因父母均在內地任教師，對於要她提供「特別服務」實難過心理關口，「覺得好對唔住父母」。她又指，因親人均在內地，在港「無人無物」，中秋節只能獨自在家中度過，近日更接連遇到惡客，因壓力太大昨日需見心理醫生，經開解後情緒才稍為平復。