政情：吳得掂最低分 「表現失敗」

與劉江華陳茂波皆負值

十二名問責局長方面，新官上任的公務員事務局局長張雲正及民政事務局局長劉江華支持度都麻麻哋，雖然張雲正有十五個百分點支持，但認知率只有百分之廿九，被評為表現不彰。劉江華、發展局局長陳茂波同吳得掂嘅民望都出現負值，分別為負廿二、三十三及三十六個百分點，而吳得掂及陳茂波同屬「表現失敗」。

吳得掂唔單止個人表現失敗，喺佢管理之下，香港各大專院校喺QS世界大學排名都「唔係好掂」，好似香港大學就下跌兩位至三十位。吳得掂尋日竟然話，環球大學排名上有好多研究，而研究有唔同標準，頭七十五間大學中，有四間係香港嘅大學，表示香港喺學術地位上相當好。現時大學學術成就已經響起警號，佢都依然闊佬懶理，到四間大學都跌出頭七十五名時佢就真係「唔得掂」喇！