政情：公民講場：學民搶驗水執輸「吳得掂」

食水含鉛問題正蔓延至中小學及幼稚園，教育局局長吳克儉（吳得掂）之前拒絕為學校驗水，被學民思潮「入到位」，自資發起驗水行動。日前學民思潮召集人黃之鋒話已經有二十間學校參加咗驗水行動，逾百個水辦已交去有政府認證嘅生產力促進局化驗。吳得掂可能怕被學民仔捷足先登，尋日就急急交代驗水細節，話最快今個星期後期開始為幼稚園驗水，又話八十間由政府興建嘅中小學，亦有六十七間希望參與驗水。睇嚟呢場驗水比併將會持續，真係要剝住花生睇好戲。