無裝冷氣 大圍街市如蒸籠

「呢度夏天熱起上嚟室內都有成三十六度！熱到啲豬肉都變壞得好快，開風扇又驚吹乾啲豬肉，睇落去就唔靚，就要丟咁啲！每年夏天都有一、兩成損失！」大圍街市肉檔檔戶張先生坦言，高溫不僅令檔戶及前來光顧的街坊難受，更讓豬肉快速變壞，蒙受損失。日前記者往該街市量度，室內亦有逾攝氏三十三度的高溫，不少檔戶汗流浹背。另外，張又稱，因長時間啟動多把強力風扇降溫，每期高昂的電費更令經營百上加斤。

削弱與其他街市競爭力

有逾三十年歷史的大圍街市內有約一百七十個攤檔，為區內居民「買餸」首選的地方，惟因欠缺冷氣設備，而被「睇低一線」。大圍街市互委會主席張小姐坦言，現時居民都較為偏向到同區有冷氣的街市或超級市場，令該街市競爭力相對削弱，「啲檔戶真係要不停飲水、換衫，我哋都聽過有街坊話夏天就唔嚟住喇，情願去遠啲，去個有冷氣嘅街市！」

不少檔戶均在檔前設置風扇降溫。	市民心聲 黃太（街坊）：「街市好熱！但佢方便嘛，去其他街市都要半個鐘，惟有拿拿臨買完就走！」	林先生（雞販）：「好希望快啲有冷氣啦！周圍啲街市、超市都有，真係唔夠競爭！」

「大概早喺兩年前佢哋（檔戶）都已經簽晒名同意裝冷氣，但依家仲冇確實工程時間表！」沙田區議會地區設施管理委員會委員董健莉指，當時已獲百分之八十九檔戶同意為街市安裝冷氣，且承諾日後共同承擔相關費用，惟及後食環署一直停留於諮詢及設計階段。

料三年後才可完成安裝

「大圍街市喺沙田區內係重要嘅街市，檔戶早幾年前已經表達咗同意加冷氣，食環署搞諮詢、搵顧問呢啲根本可以好早完成，點解仲要傾到下年先再行下一步呢，依家仲要等設計、招標再遞文件上立法會撥款，搞得嚟都要三年之後先施工完成，咁慢完全冇辦法接受！」立法會議員鄧家彪嚴斥，食環署處事疏懶、無理拖延，對於優化街市問題處理欠缺積極。

食物環境衞生署發言人表示，現時該署正就該街市加裝冷氣的可行性諮詢街市管理諮詢委員會及持分者，待有最終採納方案，會要求建築署進行全面技術可行性研究。經考慮各技術因素後，當局會決定是否申請撥款，以加裝冷氣。

投訴組