商場翻新工程支架危險

牛頭角安基苑商場早前開始進行大型維修，經常行經上址的鄭先生指出，商場翻新期間，未有以木板圍封店舖，只以支架作支撐，「啲支架露晒出嚟，一陣撞到都唔知會唔會整冧晒，好似好唔安全！」

房屋署發言人解釋，因應工程期間仍有商戶繼續營業，因此工程承辦商在商場內設立臨時有蓋行人通道，提供適當保護之餘，亦希望仍可為顧客提供一個舒適而整潔的購物環境。發言人強調現時的通道由專業工程師設計及經相關部門審批，符合設計標準。而工程期間或會對出入行人構成不便，但有關安排實屬必要。

觀塘區議會房屋事務委員會委員顏汶羽指出，商場翻新期間滿布支架實無可避免，「但房署同管理公司應該髹一啲鮮艷啲嘅顏色上支架，畀市民多一啲警示。」