舊樓平台僭建死灰復燃

「之前個僭建拖咗好耐先叫拆咗，點知隔冇幾耐又再起間新嘅，擺明就係睇死屋宇署做嘢慢手慢腳！」張先生居於西營盤皇后大道西一幢舊樓，早前發現大廈平台進行工程，疑正搭建僭建物，擔心樓宇或不勝負荷，「呢度都成三十幾年樓齡，佢又拆咗啲牆打通出去，冇咗啲石屎承重，分分鐘搞到冧樓！」

屋宇署發言人證實，根據紀錄曾就涉事平台僭建物發出清拆令，根據最近觀察已完成清拆，惟發現有新建造的僭建物，已按《建築物條例》向有關業主發出清拆令，並會繼續跟進事件。

張先生指現時搭建工程已經停止，惟被拆除的牆壁未有砌回，結構安全仍成隱患，認為屋宇署有責任監督違規人士將情況還原，「呢個唔係文字遊戲，唔係出咗清拆令之後拆咗就叫搞掂，而係要確保市民住得安全。」