政情：公民講場：跟風抽水 黃之鋒慢過人

近期政黨頻頻幫居民抽驗家中食水有無含鉛，學民思潮就有樣學樣，尋日宣布免費幫全港中學生抽驗校內水辦。學民思潮召集人黃之鋒以前出名轉數快、多諗頭，但今次跟風抽水，竟然仲慢過政黨同政府，唔知係佢純粹反應遲鈍咗，定係因為近期學民嘅政治口號再嗌唔響，被迫效法政府及各大政黨，改行民生路線抽水爭曝光？不過，要中學生自行在學校抽取水辦，會否受到污染繼而影響結果的可信性呢？學生咁做又需否先行取得校方同意呢？但都唔緊要啦，學民思潮大把錢，每逢遊行籌款都係泛民政黨之冠，唔知班泛民見到佢咁樣揈錢會唔會眼火爆呢？