九龍城：店舖建材隨街放阻途人
「成堆建築用料放喺街，啲瓷器又跌咗出嚟，我都差啲踢親，呢個情況已經唔係一兩日啦！」居於九龍城的吳小姐指，近日途經南角道時，發現有建築用料棄置於行人路上多時均無人清理，不但阻礙行人通道，亦擔心行人不慎絆倒，要求有關部門盡快清理。
環境保護署發言人指，接獲本報轉介後，該署派員到上址調查，發現有一些建築用料疊放，並蓋上帆布，該署人員已聯絡附近一裝修工程店舖，店舖職員表示上述物件為建築用料及暫存上址備用。雖然如此，該署人員亦已提醒有關店舖負責人必須妥善存放建築廢料，以免影響附近居民。
環署應加強巡查
「雖然係建築用料，但都唔應該亂咁放，萬一真係整親人咁點算呀，環保署應該跟緊啲，唔好提醒完就完咗件事。」吳希望環保署能繼續跟進事件，並加強巡查，適當時作出檢控。