西半山般咸道四棵長在石牆嘅細葉榕本月初被路政署快刀急斬，惹來部分市民不滿，正當石牆樹長出新枝嫩葉時，大家都覺得生機再現。話口未完，發展局局長陳茂波尋日就喺電台節目中承認，急斬樹做法倉卒令人覺得鬼祟，惹公眾反感，認為有改善空間，局方會在溝通過程上吸取經驗，檢討通報機制。今次陳茂波公開認衰，唔知市民會否覺得係政府還四棵大樹一個公道呢？
