政情：葉劉「麒」黑 黨友激嬲鄉紳

被指屈人「寮屋種票」

黃宇翰上周喺電台節目中提及利用寮屋種票，沙田鄉事委員會主席莫錦貴嬲爆，隨即去信葉太及沙田民政事務專員，要求嚴正處理今次事件。莫錦貴直斥黃宇翰「污蔑和抹黑村代表、鄉事組織包庇寮屋僭建、利用寮屋進行選民種票」，批評其言論不負責任。佢仲話，要登記成為村代表選舉選民必須三年內都喺該村居住，用三年時間「種票」，豈不是很白癡？

莫錦貴話，黃宇翰連村代表選舉及區議會選舉嘅選民資格都搞不清楚，令人大跌眼鏡，更令人誤以為新民黨與鄉事派駁火，因此要求葉太規管黨員言論。據聞葉太會透過回信致歉，但佢正外遊仍未返港，而莫錦貴亦稱仍未收到回信。我哋多次致電黃宇翰，但截稿前仍未聯絡上。