稱當局游說「等埋首副」
好似之前諷刺現屆政府係熱廚房無人肯做、港男用四十萬元包直升機及買鑽戒求婚、取消中環一段電車建議、以至最近港大校委會及任命副校長風波，田少都發文抽水抽一餐。
不過，田少大學時期喺美國讀書，照道理應該同港大校委會件事「大纜都扯唔埋」，但佢前日竟然喺電台節目上又抽水，話自己認識嘅唔少港大校委會成員都被游說，仲話中環、西環都出埋手，游說校委會成員以「等埋首席副校長」任命為理由，拖延任命副校長一職。
對於被指干預港大學術自由，政府尋日都忍唔住發表咗聲明，內容批評田少有關嘅指控毫無事實根據，仲話對於田少嘅言論深表遺憾，今次田少真係抽水抽着火水喇。
卓妮