政情：李少光囝囝導賞沙頭角

邊境沙頭角禁區唔止充滿鄉郊小城特色，區內仲有唔少歷史建築。由教育學院及新巴城巴攜手主辦嘅社區藝術計劃，早前招呼約七十名市民乘坐由著名漫畫家「草日」設計嘅藝術巴士，浩浩蕩蕩開入禁區。保安局前局長李少光兒子李霖恩充當導賞員，沿途介紹沙頭角禁區嘅歷史故事、鄉土風情，隨團嘅仲有民政事務局副局長許曉暉。