新居屋難求 80後夫婦成功「標尾會」

工廈圍新屋 照扑錘買入

八十後尤氏夫婦購入宏富苑一個單位，坦言並非首選，尤太指單位三面環繞工業大廈，日後需要由市區搬入新界，但認為可以「住住先」。年輕夫婦成功上車，二人早定買樓計劃，尤先生十年前投身社會時月入僅七、八千元，但以三分一薪金投資基金，三年後儲蓄達十萬元，早年拍拖旅行只會到內地、澳門，每日亦限定自己不超支，認為成功買樓並非只靠投資，亦無家人協助，裝備自己才是首要。「你起碼要儲一筆錢先，到機會嚟先有得買」。

另一位徐先生以二百一十多萬元購買青衣青俊苑，現時一家以一萬二千元租住灣仔一個單位，他預計日後供樓月花九千元，供樓較租樓更輕鬆，坦言原本預計買居屋機會落空，但昨成功購得心儀單位，心情非常開心，兒子亦高興說將來終於有自己房間。

準業主興奮 徐先生：「當初諗住無得揀有啲失落，但最後成功好開心，第時供樓仲平過租屋。」

尤氏夫婦：「真係好好彩，抽六合彩都無咁難，置業最緊要裝備好自己。」

準業主憂慮宏富苑溶洞

新居屋五個屋苑中，除宏富苑外，四個屋苑的承辦商分別為中國建築（香港）及保華建築，與部分鉛水事件涉事屋邨承辦商相同。購入宏富苑的王太指今次機會難得，即使近期爆出鉛水事件亦不太擔心，「依家搞到咁大件事應該會執番好啩，希望驗清楚先交畀我哋」。

準業主劉先生則指元朗宏富苑有溶洞，保養期僅十年，「要諗清楚先決定，職員同我哋講政府嘢唔使驚，但鉛水事件都搞到咁，無咩信心」。