香港大學學生衝擊校務委員會事件愈演愈烈，身兼校委會成員嘅微生物學系講座教授袁國勇尋日宣布辭去校委會職務，佢話唔係因為學生衝擊而辭職，而係因為政治侵入校園。佢直言係一個科學家，專長係研究微生物及傳染病，本身無接受過政治訓練，所以不如辭職返去搞微生物及毛黴菌好過喇！袁國勇喺○三年爆發沙士時被封為抗疫英雄，佢連沙士都唔怕，依家就怕咗政治，唔通香港真係變得咁可怕？
