李玲媚在骨子裏

如果將媚字用喺某位女性身上,佢迷人嘅外形會令人有種勾人心魄嘅感覺,咁喺現今內地模特兒界,有邊位能夠配得上呢個字呢?辣模李玲可能係其中一位。事關佢嘅媚不但從內而外散發,配合前凸後趷嘅誘人曲線,更將呢種魅力提升至極限。

從內而外

今年25歲,英文名Angela,而網名則為寶貝歪歪嘅湖南索女李玲,畢業於湖南藝術職業學院嘅人物形象設計專業,對於形象設計甚有心得。事實上,喺佢決定投身模特兒界前,亦以成為形象設計師為目標。其後憑住俏麗嘅樣貌同一對34D嘅胸器,加上一對電力十足嘅勾魂眼,意外地從幕後跳到幕前,自2011年開始從事模特兒工作,更憑住出眾嘅天賦本錢,以及大膽嘅性感寫真演出,令佢不但成為一位頗具名氣嘅模特兒,更被唔少男士視為女神。除咗出眾嘅外在條件,佢另一個令男士為之着迷嘅地方,莫過於佢從內而外散發出嘅媚態。呢種與別不同嘅誘人魅力,既唔張揚嘅同時,卻能喺短時間內刺激到男性嘅心靈,環顧整個內地模特兒界,具有呢種氣質嘅模特兒實在少見。

愈挫愈勇

作為一個成功嘅模特兒,除咗要魅力十足外,仲要擁有過人嘅心理質素,先至可以經得起風浪,而佢就做到呢一點。話說喺2012年舉辦嘅內地電玩展覽會ChinaJoy,佢以Show Girl身份參與遊戲商嘅展銷活動。當時化身成超性感希臘女神雅典娜嘅佢,卻因疑似衣着過分暴露,展會翌日就被有關當局要求聘用佢嘅遊戲商同佢解約,並禁止佢出席當年嘅展覽會活動,呢個打擊對佢嚟講確實相當大。不過佢並冇因此而氣餒,不但繼續以性感形象示人,更乘機進修化妝技巧,以及向演藝界發展。勇於迎住難關向前走嘅結果,就係佢不但獲得唔少廣告機會,並參加過多個影視作品演出,最重要就係練得一手出色化妝技巧,更係一位專業嘅化妝師,多咗條發展嘅出路。

個人微博

想欣賞李玲過人媚態,唔一定要等佢出寫真,事關佢平時亦經常喺個人微博,上載佢最新嘅火辣靚相。與此同時,亦鍾意同網民分享生活點滴,從佢今晚食咗乜嘢,到最近去邊度旅行,都會話畀粉絲知,讓大家可以感受到佢親切嘅個性。

網址:www.weibo.com/u/ 2139155362

李玲Profile

出生地:湖南長沙

身高:160cm

三圍:34、24、35

撰文:魂