政情：今日你上鏡：宣傳清潔騷 議員扮晒嘢

政府將會喺今個月推出全城清潔運動，並由政務司司長林鄭月娥擔任「清潔大隊長」。立法會議員何俊賢同陳恒鑌（Ben）都唔執輸，尋日以人氣卡通人物造型扮演總司令喺荃灣區進行宣傳騷，仲係威係勢咁拎住支扮清潔劑及漂白水嘅水槍，話要射低晒啲菌喎！阿Ben仲扮幽默話，有位神秘嘉賓會壓軸出場，結果竟然係食物及衞生局局長高永文嘅造型紙牌，真係畀佢吹脹。