沙田：鐵欄坍塌攔路 容易絆倒途人
「個鐵欄唔知係咪有粒螺絲甩咗，上邊跌咗落嚟，但下邊又連住，我初時唔為意都踢咗一腳。」蘇小姐發現沙田沙角邨金鶯樓對出行人路有鐵欄倒塌，由於上址毗連行人隧道出口，不時有途人行經，擔心市民稍有不慎易生意外，「我次次過全輝中心都會行呢條隧道，而且沙角邨本身都好多公公婆婆，萬一行過嗰陣戟倒就大件事！」
路署：已完成維修
路政署發言人證實，早前於定期巡查時已發現有關鐵欄損毀，隨即安排承建商維修，維修工作近日已完成。
蘇小姐證實有關鐵欄已經修妥，但認為路政署應了解鐵欄倒塌原因，而非單單維修了事，「個鐵欄唔會無啦啦自己跌落嚟，到底係有人惡作劇定係咩原因，當局都應該了解清楚，唔好畀同樣嘅事再次發生。」