政情：公民講場：政黨狂抽水鈺成話可愛

公屋鉛水風波爆發至今半個月，不論建制、泛民黨派面對年底區議會選舉嘅壓力，幾乎動作一致瘋狂抽水辦，完成一次就公布一次。連選戰經驗豐富嘅立法會主席曾鈺成，尋日都加把口評論，形容政黨爭相為居民抽水化驗，呢個係反映選舉嘅可愛，反問市民會寧願政黨出來抽水辦化驗跟進，定係唔理市民死活喎。今明兩年多場選戰當前，政黨嘅一舉一動都想表達急市民所急嘅訊息，如果呢個時候都唔識抽水博宣傳，反而搞埋其他無謂嘢，選舉結果會係點，相信可以預見。