立法會財務委員會上星期就政府成立創新及科技局嘅撥款申請加開五日會議，原來咁啱撞正金融服務界議員張華峰（肥老闆）喺英國讀書嘅囡囡畢業禮，但佢為咗開會最終取消赴英國出席囡囡畢業禮嘅行程。而肥老闆今個星期就同家人去歐洲旅行，仲喺社交網站上載一張喺瑞士洛桑影嘅相片。不過，肥老闆嘅留言就疑似意有所指︰「想走？我係唔會離開（I am never leaving）……瑞士洛桑咁靚邊捨得走呀！」肥老闆講到明唔會離開，莫非近日有人勸佢唔好連任立法會議席？
（互聯網）
