政情：發仔睇數 鄉議局止血有期

首主持大會 發叔睇實

Kenneth尋日首次以主席身份主持鄉議局大會兼執委會，過程尚算順利，喺政改後甚少露面嘅發叔亦有撐住拐杖現身，唔知佢係垂簾聽政吖，定係支持阿仔？

Kenneth喺會上匯報鄉議局大樓管理情況，佢話大樓五月靠出租場地有四十萬八千元收入，但支出高達四十七萬八千元，超支七萬元，出租率唔算理想。

不過，睇得出Kenneth努力經營盤數，事關四月份鄉議局勁蝕廿多萬元，去到五月超支縮窄到七萬元，明顯Kenneth落過苦功，加上六月場地出租率提升咗好多，好似大劇院由四成升至六成八，相信要做到收支平衡指日可待。如果Kenneth一上場搞好盤數，相信對日後管理有幫助。