- on.cc 東方互動主頁
- 3月20日 (四)
人民力量（人力）立法會議員陳偉業（大舊）平時喺立法會鬧政府、「拉布」就見得多，講自己從政咁多年來嘅瘀事就較為罕見。人力尋晚舉行四周年聯歡晚宴，大舊為咗籌款不惜大爆多年來嘅蝦碌同尷尬事，認真搏到盡！唔經唔覺大舊從政已有卅年，參加過十八次選舉。大家對佢被趕出議事廳一啲都唔陌生，但原來第一名趕佢走嘅係前立法局主席黃宏發，當時大舊鬧民建聯議員鬧得太勁，又唔肯收番言論，結果被趕走。
大舊又話，好多人都唔知佢做社工出身，以為佢係律師或工程師，搞到依家不時都有市民打去佢辦公室問法律問題。不過，最搞笑都係街坊成日覺得佢好熟口面，問佢係咪拍過劇集，佢就反問對方係咪喺三級片入面見過佢喎。至於最尷尬嘅事，莫過於當年搭地鐵去立法局，落車時有一名市民掟咗張紙仔畀佢。大舊話，以為紙上面寫咗啲勉勵說話，或者係留低電話，點知紙上竟然寫住「陳議員，你冇拉（褲）鏈」，搞到佢面都紅晒，真係唔小心喇！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
