政情：公民講場：溝通當「招安」 泛民扭擰

政改方案被泛民主派議員否決後，一眾泛民議員被譴責之餘，中央亦繼續釋出善意邀請全體立法會議員北上參加一帶一路考察團和九月三日喺北京舉行嘅閱兵儀式。不過，泛民飯盒會召集人梁家傑（袋巾傑）尋日批評安排今次考察係「招安」行為，認為應將精力放喺重啟政改。泛民議員經常話中央唔同佢哋溝通，但當有溝通時又擺出一副扭扭擰擰、甚至放棄溝通嘅態度，好似女人心咁難捉摸。再者，「招安」係解作政府開出一啲條件招撫地方唔聽話或不合法組織，莫非袋巾傑自覺係唔聽話嘅一群？