政情：立會「法老」榮休議員餞別

副秘書長下月中離任

Jimmy笑言喺立法會工作二十幾年，法律事務部團隊即使由當初三人加到依家十五人，都仲係唔夠人，多得議員「創造」好多法律問題畀佢哋處理喎。本身係大律師嘅Jimmy話，已喺海富中心租咗寫字樓，下月一日開始繼續望住立法會大樓做嘢，雖然佢無講清楚去向，但相信都係做返老本行。

Justina就話喺立法會多年，開心嘅日子多，但笑言近年議員興「拉布」，郁親有成千上萬嘅修正案，同埋打極都唔完嘅打鐘聲，令佢開始出現幻聽喎，好彩退休後唔使再一日三餐喺大樓餐廳食，亦唔使日日袋住本《議事規則》，可以睇番自己鍾意嘅書喇。