政情：公民講場：「出賣誠信求榮」雙貪須付代價

「貪曾」前特首曾蔭權爵士同「貪湯」前廉政專員湯顯明嘅連串貪腐醜聞，嚴重損害香港嘅廉潔之都美譽。現任廉政專員白韞六尋日出席「廉政大使」頒發嘉許狀儀式，與約二百名年輕人對談時，就語重心長咁告誡大家，急功近利，出賣個人誠信來換取金錢利益，將要付上沉重代價，得不償失。之不過，貪曾貪湯至今仍未「落鑊」檢控，希望律政司盡快做嘢，令兩人真正為任內嘅貪腐行為付上代價。