政情：公民講場：嫻姐燒鬚 施壓變受壓

香港每年都有唔少人偷渡入境，入境處過往亦曾多次酌情批准個別有特殊情況嘅偷渡人士留港，但搞到好似懷仔咁開晒記者會，引發連場示威同爭議嘅就好少見。協助懷仔同佢外婆召開記者會嘅工聯會立法會議員陳婉嫻（嫻姐），尋日就喺電台承認今次有「一半一半」想向入境處施壓，唔覺得做法太高調，亦唔會感後悔。事件曝光後，有本土派示威者去到嫻姐嘅地區辦事處踩場示威，仲揚言要工聯會喺未來嘅選舉付出代價，相信嫻姐都受到好大壓力，施壓變受壓。