鰂魚涌：消防栓滲漏 嘥水跣途人
「水務署啲廣告叫人珍惜食水，成日教人閂實水喉，但係依家個街井就係咁漏水，滴到條行人路濕晒，咁樣都唔知嘥咗幾多桶水？」鰂魚涌居民何小姐近日行經英皇道時，發現有消防栓滲水，除有感浪費外，亦因鄰近港鐵站出口，擔心或會有人滑倒，「始終呢度咁多人行過，老人家又多，邊個跣親都唔好啦！」
水署：已即時關好封蓋
水務署發言人證實，接獲轉介後已派員到現場視察，發現涉事消防栓因封蓋未有關閉妥當，導致輕微滲水，職員已即時關好封蓋，經觀察後滲水已停。
何小姐要求水務署多加關注，避免同樣問題再發生，「雖然呢件事可能好微不足道，但係環保就係由好小嘅事做起，作為統籌全港水資源嘅水務署，就更加有責任去做番個帶頭角色。」