正所謂萬事起頭難，而新進嫩模最難嘅事，莫過於點樣提升知名度，否則好易又被人遺忘。不過對子純兒嚟講，先天胸前優勢已令佢贏喺起跑線上，更何況擁有嬌俏嘅樣貌，論本錢都係冇嘢可以挑剔，若問仲欠缺乜嘢嘅話，應該係仲差啲經驗囉。
作為一位去年先至出道嘅90後嫩模，子純兒嘅名氣已經喺網絡上有相當嘅名氣。佢之能夠喺短時間內吸引眾網民嘅眼球，皆因擁有一副魔鬼身材，單從佢35、24、35嘅三圍數字，就足以想像得到有幾咁火辣，最難得就係佢嘅樣貌亦極為迷人，可愛得嚟少女味亦十足，確係令人一見傾心。由於佢係新進嫩模關係，故此有關個人資料並唔多，只係知道佢喺去年透過一個網絡偶像培訓計劃出道，並有特約模特兒及外出攝影嘅工作。從呢點可以睇出，雖然佢出道時間唔長，但已經有唔錯嘅發展。另外，從佢嘅工作性質嚟睇，家陣嘅目標係希望可以喺模特兒界打響名堂，然後再作進一步嘅計劃，相對一啲高調炒作嘅嫩模嚟講，佢嘅作風可以話係相當踏實。
問到邊種類型嘅男士最得佢歡心時，佢坦言成熟、有男人味同責任心嘅男士最可以打動到佢，事關佢哋唔單止畀到佢一種安全感，嗰種細心又體貼嘅感覺更係令佢相當舒服。姑勿論佢嘅講法係真定假，只係呢種少女味十足嘅外形，已經喚起唔少男士嘅雄性保護欲。老實講，擁有如此出眾外形嘅佢，想成為大家嘅焦點又點會難呢？事關經常喺個人微博上，分享唔同款式嘅內衣同比堅尼自拍照時，往往可以吸引到大量網友點讚，而從佢出道至今嘅微博追隨者數目，更已超過四萬三千人，呢個數字絕對值得佢自豪！當然，如果佢想再提升知名度，可以參考一下佢班前輩嘅方法，就係嘗試參加選美比賽，一來可以令履歷睇起嚟靚啲，二來又可以增加曝光率，而最重要嘅就係可以得到多啲站台經驗同歷練，令自己變得更加成熟。
如果問子純兒嘅賣點係乜，好多人即刻會話係佢對車頭燈。其實咁講就未免太過膚淺，皆因佢仲有其他地方相當有賣點。如果想發掘佢迷人之處，可以去佢嘅個人微博，既有迷人靚相睇，又可以追蹤佢最新近況。
網址：www.weibo.com/u/5159245414
出生地：湖北武漢
身 高：166cm
三 圍：35、24、35
撰文：魂