北角：「P」指示遲遲未拆 「老點」司機齋兜圈
「諗住跟個路牌去停車場，點知左兜右兜都搵唔到，淨係得個私人停車場，但街外車又唔畀入，搞到又嘥油錢又嘥時間！」王先生早前駛經北角渣華道與琴行街交界時，按路牌指示前往設於馬寶道的停車場，惟繞圈兩次仍是遍尋不獲，「後尾問人先知，原來個公眾停車場已經閂咗好耐，難怪點搵都係得個桔。」
運輸署發言人證實，現時馬寶道並不設公共停車場，因此將安排拆除渣華道及琴行街的「P」交通標誌。
運輸署回覆後仍未拆除
不過，王先生在運輸署作出回覆後再次路經該址，發現涉事路牌仍未有拆除，質疑當局處事緩慢，令駕駛人士仍有機會誤墮陷阱，要求早日落實拆除，「之前我當你唔知件事，但係點解依家有人同你講埋，都仲唔快手搞掂佢？究竟路牌嘅作用係點明市民，定係明點司機？」