二○一七年特首普選方案早前出爐，港府問責官員通通化身「政改推銷員」爭取更多市民支持，其中財政司司長曾俊華連最近熱爆嘅電影《復仇者聯盟2》都唔放過，佢於最新網誌主動提到自己六十年代，去到美國點樣迷上復仇者聯盟，其後更借題發揮講到包括復仇者聯盟在內嘅每一個群體，成員間都會有唔同意願嘅時候，佢強調如只能有一個共同選擇，總會有成員嘅意願會落空，希望各方尋求最多人接受、最少人受損嘅方案。鬍鬚曾為撐政改真係搞盡腦汁，唔知下次會否聯同官員以電影角色嘅形象出現呢？
