全名12字 「有啲長」
建築界議席改名後，全名總長增至十二個字，打破現時由馬逢國任議員、同樣包含四個業界的「體育、演藝、文化及出版界」功能界別的十個字紀錄，真係水蛇春咁長。現任建築界議員謝偉銓（Tony）話，園境界爭取加名已有好幾年，佢好支持改名以回應業界訴求，承認雖然全名十二個字「都有啲長」，但讀多幾次就順口喎。
睇番園境界呢行，現時全港若有二百名從業員，行業相當冷門，但前景好吃香。Tony話，潮流興綠化園境，好多發展商都想搵呢類專才，但當人才難求，分分鐘要搵到去內地先有。近年香港院校加快培訓園境師，爭人情況先有紓緩。既然咁搶手，喺議會內攞番個名份都好合理啫。