公園草地枯禿 康署後知後覺
「我哋一家人每逢假期飲完茶都會去公園行吓，啲細路最鍾意喺草地跑嚟跑去，點知笪草地愈來愈禿，依家剩係得番啲泥沙，有時見啲細路喺度跑都會沙塵滾滾！」居於美孚的王先生不滿荔枝角公園近入口草地禿枯，失去美化環境之效。
暫關閉作保養
康文署發言人指出，當局一向重視公園草地保養，會定期進行灌溉、清除雜草、修剪及施肥灑水等護養工作。發言人表示，由於每逢假日不少市民會利用該草坪進行各項活動，導致草坪出現耗損，早前已暫時關閉該草坪進行保養工作。
王先生要求部門加強保養草坪，令市民可享用更多公共設施。「外國啲公園好多草地，好靚好舒服，香港應該都要學吓，市民生活質素都高啲。」