政情：賀！年屆花甲 大舊「糕」興

財政司司長曾俊華尋日去立法會宣讀新一份財政預算案，但就唔見人民力量議員陳偉業（大舊）喺會議廳示威，原來佢身在加拿大同家人共聚天倫之樂，慶祝六十歲生日。大舊嘅囡囡Eunice除咗為爸爸舉行生日派對外，更加準備咗一個用糖霜製成、印有大舊卡通樣嘅特色生日蛋糕。而蛋糕上仲有好多五顏六色嘅星星，加埋啲煙花效果，氹到大舊笑逐顏開，同佢平時喺議會個惡樣真係判若兩人。