政情：今日你上鏡：「周岑」錯配

佔領行動後，學聯秘書長周永康（Alex）同副秘書長岑敖暉（Lester）不斷收到海外團體邀請講番當日經驗。兩人香港時間前日（二十三號）就去到瑞士日內瓦，出席聯合國人權與民主高峰會，仲喺會上發言。不過，佢哋發言期間就發生一件小插曲，話說兩人發言枱頭放有名牌，但就「周冠岑戴」，Alex個名牌放咗喺Lester前面，而Alex前面就放咗Lester個名牌，過咗一段時間後先至將名牌對掉擺返啱位，關係真係難捨難離，難怪兩人之前被稱為「Alexter」喇！