大小巴站相近 乘客混亂
「啲小巴成日泊喺巴士站度，等車嘅人就聚埋一齊，大家都驚上唔到車，所以變咗冇人排隊，成件事好混亂。我覺得應該加番啲圍欄喺巴士站度，分番開等巴士同小巴嘅人。」居於荃灣石圍角邨的蕭小姐指出，石葵樓往荃灣方向巴士站候車秩序混亂，建議設置圍欄改善情況。
運署指地窄難設排隊欄
運輸署發言人表示，石葵樓巴士站的行人通道較為狹窄，若於巴士站設置排隊欄杆，會阻礙行人通過及影響安全。為改善候車秩序，巴士公司曾翻新該站的地線油漆，以確保排隊路線能清晰顯示，而巴士站亦已展示通告，提醒候車乘客沿黃線排隊。
不過，蕭小姐直指有關措施未能改善混亂情況，「啲線係就係睇得好清楚，不過都係冇人排隊。佢都識講條路窄啦，啲人亂咁嚟我驚遲早一日會發生意外。」蕭小姐要求部門正視問題，檢討該巴士站的設計。