律師梁永鏗指出，外傭在公眾地方烹調及出售食物，不但違反逗留條件，同時間亦干犯香港法律，「個簽證條件只係限於外傭喺僱主住宿地點嗰度做家務，依家咁樣即係無牌小販，因為佢哋唔係香港永久性居民，要喺交咗罰款之後，先至會遣返番自己國家。」
香港家庭傭工僱主協會主席羅軍典則稱，倘外傭因違規而被捕及遣返回國，僱主亦會蒙上損失，「個外傭畀人拉咗就要即刻停止合約，咁樣就會突然間冇咗個人幫手。」
另聘他人要再付中介費
羅續表示，無論甚麼情況，僱主都要付出機票錢讓外傭返回自己的國家，「就算搵過第二個外傭，如果係菲傭，就要畀成九千至萬一蚊嘅中介費，就算平啲嘅印傭，都要起碼六千蚊一次。」