立法會財務委員會（財委會）準備喺下周六情人節當日加開會議，希望盡快通過創新及科技局撥款，議員當日起碼要開八小時會議。財委會主席張宇人（Tommy）話，雖然約咗太太當日整天慶祝情人節，但都要以工作為重，惟有叫太太透過電視直播睇住佢「慶祝」喎。不過，Tommy唔使怕冇人陪，事關工聯會王國興（阿王）力撐話，願意捨命陪君子，同Tommy喺情人節一齊作戰，仲預咗隨時通宵開會添！可惜Tommy唔肯陪阿王過夜，自稱承受唔到通宵開會嘅壓力喎！
