小明及小強是回收再造業的從業員，日常負責廢物收集、分類和處理。新年時，俱為人父的小明和小強，帶同孩子到維港睇煙花。
因人多擠迫，小明就把孩子抱起。小強的孩子見狀又要爸爸抱，小強一面無奈及失落地說：「對唔住，爸爸受咗傷，抱唔到你呀。」
小明問：「強記，你無乜嘢呀？」
小強：「唉，上星期收集金屬物料時，不小心扭傷條腰，以為無事，點知返屋企後劇痛，今日先好番少少。」
小明：「我都成日提你注意安全啦，我哋經常需要重複提舉及搬運物件，若不採用正確方法，好容易受傷。下次提舉及搬運時，要盡量保持腰背挺直，用腿力而非腰力提起物件；物件要盡量靠近自己，減低對腰部負荷。如果環境許可，應盡量用適當機械輔助設備來搬運重物。根據《職業安全及健康規例》規定，所有僱主、工作地點負責人和僱員都必須採取安全措施，避免因體力處理操作，對人體造成傷害。你公司有冇為搬運工作進行危險評估，並根據評估結果採取適當安全措施？」
小強：「有，仲安排咗相關安全訓練及輔助設備，只不過我當日貪快，無照指引工作。」
小明：「強記，受傷後果可以好嚴重，甚至可能永久傷殘，我哋咁辛苦工作都係為頭家，冇健康身體點照顧家人小朋友？下次記得要用正確方法。」
小強：「知道啦。」
職業安全健康局
www.oshc.org.hk