政情:公民講場:傾郵輪碼頭 長毛諗煙竇

啟德郵輪碼頭面對無敵大海景,可以話係景色優美,但康樂及文化事務署就佔用咗碼頭天台一個擁有三百六十度全海景嘅單位做辦公室,而唔係用嚟放租增加收入,認真嘥料。本身係「煙民」嘅立法會議員梁國雄(長毛)尋日就建議當局將有關辦公室改做露天食肆,仲話「好似我食煙咁,搭車入去食嘢、睇海景,淨係做食煙客都有排做啦!」原來長毛關注嘅唔止係有冇飯開,而係可唔可以一邊食飯一邊歎支煙至真。不過,碼頭天台係公園,萬一如長毛所願任人「打邊爐」,豈不是將公園變成煙竇?

第一手消息請下載on.cc東網iPhone/iPad/Android/Windows Phone Apps