政情:長毛立會「棄」球 又要找數

社民連立法會議員梁國雄(長毛)經常在會議廳會內高叫口號同掟嘢,之前喺特首到立法會特首答問大會都唔例外,長毛一早準備放氣球示威。不過,喺開會前,長毛諗住打開個袋畀人民力量陳偉業睇下個氣球時不慎甩手,搞到個氣球飛咗上天花板,做騷不成,又要勞煩秘書處派人執番個氣球。

曾搭棚執波 「收費」一萬元

由於今次個氣球只係卡喺天窗附近,即使係普通職員都可以爬上去執,唔使好似上次咁要在會議廳內搭棚咁大陣仗,事後要向長毛收番一萬元行政費。雖然係咁,秘書處表明遲啲會向長毛追收今次清理氣球嘅行政費,費事佢放氣球放得咁過癮,以為隨便放完就算數,唔知今次要收幾錢呢?

第一手消息請下載on.cc東網iPhone/iPad/Android/Windows Phone Apps