葵涌邨 空降煙蒂垃圾 居民住不安心

「真係日夜都提心吊膽，唔知幾時又有煙頭扔落嚟，住都住得唔安樂！」居於葵涌邨旭葵樓的羅小姐指出，近月發現有高層單位住戶將垃圾由窗口擲下，除食物殘渣與紙巾外，更有仍然燃點的香煙，「萬一燒着咗啲衫，或者吹咗入屋，分分鐘成間屋咁就燒晒，真係冇陰功！」

區議員促房署加強打擊

羅小姐曾向房署反映屋邨高空擲物的問題，惟有關情況仍未改善，「高空擲物後果可大可小，房署唔好等到有事發生咗先去理，到時就太遲！」羅希望房署正視，以免居民無辜受累，痛失安樂窩。羅又指大廈設計亦存有問題，部分樓層外牆的橫樑淪為垃圾及煙蒂積聚之處，影響環境衞生。

黃潤達促房署加強執法，及避免採用類似的橫樑設計。

葵涌邨近兩年共有三名住戶違規高空擲物，而按「屋邨管理扣分制」被扣分。

「呢啲橫樑冇乜實質作用，反而積滿晒上面掟落嚟嘅垃圾，影響環境衞生之外，啲煙頭點着啲垃圾，仲隨時引起火警！」當區區議員黃潤達指曾接獲相關投訴，直斥房署設計欠妥善，建議日後興建公屋時避免採用同類設計。黃亦希望房署加強執法並提醒居民保持公德心，以免影響其他居民，「積咗喺橫樑上嘅垃圾好難清理，有時要等大風或者落大雨至會沖走佢！」

由高處擲下的垃圾，積聚於窗口外的橫樑。（讀者提供圖片）	居民意見 李女士：「有啲住戶隨意擲啲垃圾落嚟，積咗喺橫樑嗰度又清理唔到，搞到污糟邋遢，十分影響環境衞生！」	居民意見 陳太：「希望啲居民唔好高空擲物或者扔煙頭，特別未整熄嘅煙頭好容易燒着其他嘢搞到火燭，好危險！」

兩年僅三戶被檢控扣分

房署發言人承認，過去一年曾接獲兩宗投訴指該屋邨有居民高空擲物。接獲投訴後，辦事處職員均有到場視察並採取跟進行動，包括在大廈電梯大堂張貼通告勸喻居民自律，並派發通告到懷疑有高空擲物情況的樓層信箱，如有需要會家訪及電話聯絡相關住戶進一步了解情況。如高空拋擲的垃圾濺污公共設施，會盡快安排清潔工人清理。該署亦安排特別任務隊偵察懷疑高空擲物的地點，在二○一三及二○一四年葵涌邨共有三個住戶證實高空擲物而按「屋邨管理扣分制」被扣分。

發言人指出，該署一直透過「屋邨通訊」宣傳及教育居民必須保持屋邨環境清潔，不可胡亂拋棄垃圾。另亦安排特別任務隊到各屋邨作不定時巡查，監察高空擲物情況。如有需要，亦會考慮在高空擲物地點安裝俗稱「天眼」的監測器。

記者：徐少琴