本報之「投訴版」有口皆碑，要不然，怎會多年接獲嘅投訴居高不下。二○一四年，接獲近三萬宗投訴，屈指一算，平均每天要處理八十二宗投訴，每月要處理二千五百宗投訴。投訴多，話就話政府部門行政失當，令市民怨聲載道；之不過，好多Cases要經東方報業集團多番報道，喚起公眾關注，由此又引起申訴專員公署主動介入調查，公開部門執法疏漏，有關部門才死死氣地「做嘢」！
政府講就天下無敵，甚麼「急市民所急，想市民所想」；可是真正做起來往往冇心冇力，嗱！眼前簡單一個例子，莫如房屋問題，排公屋等上樓嘅基層逾二十六萬宗，政府卻忽然要買地叫市民「悠然見南山」，學做真農夫，而不是搶地起公屋，你話係唔係搞笑啊！
柏楊有妙語，話官場之中，官位和能力不成正比。一頭豬，縱然當上高官，甚至當上領袖，甚至幸運地還創下一點奇迹，但牠仍然是一頭豬！被投訴得最多嘅政府部門，食物環境衞生署排第一，鬼咩！無牌食肆、店舖阻街，除了霸佔行人路亦影響環境衞生，若然非經本報多番揭發，部門又點會加強執法啊！有道是「法律的職責在於確保正義的落實」；然而，香港法治倒退，「絕代雙貪」查極無聲氣，知法犯法嘅邪惡教授、佔領幕後黑手淫賤黎等卻受到警察「如慈母保護孩子一樣」咁看待……所以話，遇到不平事，有嘢要投訴，以後直接搵本報投訴版喇！佢一定幫到你！
再講啊，東方報業集團認真發揮傳媒第四權，監察政府不遺餘力，接獲市民投訴後，多次揭發有非法油車化身「流動油站」四出搵食，消防處雖證實違規，卻對投訴所指稱「冇發現」！又係一個豬的部門；「自古江山輕送者，無非重色與昏庸」；老朽改之「自古部門無能者，無非眼盲與死撐」贈予消防處！