政情：馬斐森工展趁墟

香港大學校長馬斐森上任八個月，仲有好多香港特色事物未接觸過，好似行工展會。早幾日馬斐森就同太太拍拖去趁墟，中華廠商聯合會候任會長李秀恒（Eddy）及常董戴澤良等人陪住佢哋周圍逛，體驗吓香港極富生命力嘅工貿商業活動。行行吓，馬斐森及太太見到有攤位出售麵包預拌粉，即刻掃咗幾盒返去焗製糕點，都算有意外收穫。Eddy就話，第日或可探討畀青年學生多啲參與工展會，令佢哋透過呢個平台搵到向上流嘅機會或靈感咁話。