學聯秘書長周永康同民間團體未有因佔領行動落幕休養生息，尋日公布新一輪不合作運動，包括透過延遲繳交公屋租金及分拆支票交稅，舉例指分拆多張支票交稅，每張繳付金額為六百八十九元、六十八元九角或六元八角九仙，聲稱以合法方式向政府持續施加壓力爭取真普選。其實周永康今次係「精人出口，笨人出手」，佢本身係大學生唔使交稅，據知亦唔係住公屋，根本無機會參與今次不合作運動，如果有市民真係聽周永康大隻講嘅話，分分鐘畀點到陀陀擰，唔知到時會否反鬧佢靠害呢？
