商場門口棋局礙途人
「老人家退咗休捉吓象棋當然冇問題，最弊佢哋喺正商場出口捉（棋），阻住行人出入就真係唔係咁好！」藍田居民甘先生每逢假日均會到啟田商場購物，發現商場舊翼近安田邨的交通交匯處出口常有「老友記」席地而坐『開戰』，不滿領匯並未正視問題，不便訪客。
居民促領匯巡查
領匯發言人稱，有關位置屬行人通道範圍，任何人士均不得對其造成阻塞。發言人又透露，商場職員已不時巡查上址，並於上址貼有告示，如有需要會對有關人士作出勸喻，以保持通道暢通。
不過，甘先生坦言上址情況仍無明顯改善，「好多伯伯都仲坐晒喺度捉棋，搞到每次入商場都要避開佢哋！究竟個情況幾時先會有改善？」甘要求領匯加強巡察轄下商場，並建議有需要時可尋求警方協助。