睇「雪花」14年 通訊局坐視
市民「冇電視睇」十四年，通訊局坐視不理！筲箕灣一帶舊樓林立，不少單位的免費電視訊號接收自二○○○年起每況愈下，畫面經常出現大量雪花及「爆格」，疑與附近不斷有新建樓宇落成有關，及至○八年數碼地面電視啟播後仍無改善，市民多次向通訊局求助不果。立法會議員狠批通訊局不負責任，要求履行監管部門角色，為市民提供應有技術支援。
「我哋都係想返到屋企有電視睇吓，點解都咁難？」周先生居於筲箕灣金華街唐樓單位，指近年電視訊號接收不斷轉差，經常「有雪花、冇畫面」，疑天線遭附近新建高樓阻擋，「愛秩序灣近海嗰邊喺二○○○年起樓之後，我哋呢邊就成日收唔到訊號！呢度係用公家天線，成幢樓十幾戶都收唔到，附近茶餐廳都一樣，就算收到都好多雪花！」
裝訊號放大器亦無改善
周先生表示，本港於○八年數碼電視啟播後，街坊皆以為「冇電視睇」問題有望解決，未料事與願違，「都係一樣收唔到，就算收到都爆晒格」。周曾向附近大廈提出借用天線但遭拒，即使安裝訊號放大器亦無助改善問題，近年多次向通訊局求助卻遭冷待，「咁多年嚟（通訊局）都淨係嚟睇過一次咁大把，問佢哋會唔會起轉播站幫下我哋，佢哋覆都唔覆！」
通訊事務管理局辦公室發言人承認，去年至今年十一月共接獲四宗上址街道住戶的求助，但指電視台已實地測量及建議調整天線位置及方向，以便接收慈雲山發射站所發出的訊號，認為一般只需透過在適當位置安裝接收天線即可解決問題。
不過，周先生卻稱，雖然電視台有派員視察及提出建議，但問題最終未能解決，「我哋跟足個建議搵公司裝天線，但間公司話裝咗都唔會收到！」周希望通訊局可提供技術支援，令住戶可盡早重拾失去多時的免費電視娛樂。
議員斥失職 促加強支援
「睇免費電視係市民基本權利，通訊局正正係發牌同監管部門，市民嚟求助居然叫番個市民自己搞掂，咁樣好不負責任！」立法會資訊科技界議員莫乃光批評通訊局未有積極為市民提供協助，大有失職之嫌，亦指相關問題並非市民可自行處理，認為部門應加強監管及技術支援角色，而非將責任推卸予電視台、甚至市民身上。
（Ireport_00038941）
記者：呂耀焜